वीरगंज, ६ जेठ ।
वीरगंज महानगरपालिका वडा नं. १२ स्थित दिलबन्धु पेट्रोल पम्प नजिकै पार्किङ गरी राखिएको मोटरसाइकल चोरी गरेर भाग्दै गरेको अवस्थामा एक जना पक्राउ परेका छन् ।
पक्राउ पर्नेमा बारा जिल्लाको कलैया उपमहानगरपालिका वडा नं. १ बस्ने २४ वर्षीय प्रेम कुमार पटेल रहेका छन् ।
जिल्ला प्रहरी कार्यालय पर्साका अनुसार, जेठ ५ गते बेलुकी अन्दाजी ५ः३० बजेको समयमा वीरगंज–१२ मुर्ली बस्ने ३४ वर्षीय दिपेन्द्र कुशवाहाको नाममा दर्ता रहेको म.प्र.०३–०३३ प ८५१७ नम्बरको नीलो–कालो रड्ढो त्ख्क् ब्उबअजभ मोटरसाइकल चोरी भएको थियो। पेट्रोल पम्पबाट मोटरसाइकल चोरी गरी भाग्दै गरेको अवस्थामा स्थानीय बासिन्दा र प्रहरीको सक्रियतामा पटेललाई नियन्त्रणमा लिइएको हो।
पक्राउ परेका पटेलमाथि चोरी सम्बन्धी कसूरमा जिल्ला प्रहरी कार्यालय पर्साले हिरासतमा राखेर थप अनुसन्धान अगाडि बढाएको सूचना अधिकारी एवं प्रहरी नायब उपरीक्षक हरि बहादुर बस्नेतले जानकारी दिनुभयो ।